Il professôr Galiano ai incuintris di Lignan

Al torne a Lignan ai incuintris cul autôr e cul vin il ‘professôr’ deventât innomenât ancje in graciis de television: il furlan Enrico Galiano. Joibe ai 24 li dal PalaPineta aes 6.30 dopomisdì, cu la sô tipiche delicatece, l’autôr al presente il so ultin libri “Geografia di un dolore perfetto” (jessût par Garzanti), une prove di scritôr fat, cuntune storie apassionante. Une storie che, une pagjine daûr chê altre, e devente simpri plui la storie di ducj noaltris. (A.I.) – 23.08.2023