Il razisim “di frontiere” contât di un storic

Cui e ce sono stâts i serps, i cravuats e i slovens pal fassisim? Traviers une grande ricercje, il storic furlan Tommaso Chiarandini al à indagât l’argoment. Dai risultâts de sô analisi al è nassût il volum “Immaturi, sIeali, violenti. Immagini e linguaggi dell’antislavismo fascista (1919-1937)”, publicât di Pacini Editori, che al sarà presentât miercus ai 19 aes 6 dopomisdì inte sede de CGIL di Udin in vie Bassi. L’incuintri, proponût de ANPI par fâ clarece su la vicende imberdeade dal confin orientâl, al vûl contestualizâ la storie che e à puartât aes tragjediis di foibis e esodi, indagant i contignûts e lis modalitâts di difusion dal “fassisim di confin”, dispès un vêr “razisim di frontiere”. (A.I.) – 18.02.2025