100
La fondazion CRTrieste e anunzie la acuisizion ecezionâl, fate intune aste a Montecarlo, di un tesaur storic preziôs che al jere sparît: il setri de imperadore Carlotta dal Messic. Chest ogjet unic, donât ae Imperadore dal Consei Municipâl di Sant Juan del Rio intal 1864, al podarà cussì rivâ a Triest, intal Cjistiel di Miramare, par jessi esponût al public. La acuisizion e rapresente un avigniment di rilevance internazionâl, parcè che l’ogjet – une zoie di aur a 22 carats, lunc 34 cm, bilisiât di diamants, rubins e smeralts – al rapresente un periodi particolâr de storie europeane ae metât dal Votcent, cuant che Triest e jere al centri dal mont. (A.I.) – 02.08.2023
