Il ‘siôr dai anei’ e i leams cul Friûl

John Ronald Reuel JRR Tolkien e i siei leams cul Friûl, se a esistin! Si cirarà di dâ une rispueste a cheste domande, lunis ai 23, aes 8.30 di sere a Cjampfuarmit, intes ex scuelis elementârs di vie De Amicis, dilunc dal event “Tolkien tal Friûl”,in ocasion dal 50m aniversari de muart dal innomenât autôr dal ‘Signore degli anelli’. La cunvigne, che e cjape dentri ancje riflessions su la identitât furlane, e je organizade dal Comun di Cjampfuarmit – Assessorât ae Culture, inte suaze de programazion di Cultura Nuova, inmaneade cu la associazion Aulùs APS. “O stin cirint di onorâ la ricorence – a sclarissin i responsabii de associazion – cuntune schirie di iniziativis: dal concors par ilustrazions a teme ‘Siôr dai anei’ al prin calendari di Tolkien par furlan”. (A.I.) – 20.01.2023