Il Vigne Museum di Rosacis al fâs dîs agns

Te Galarie Regjonâl di Art contemporanie “Luigi Spazzapan” di Gardiscje, joibe ai 11 a vegnin presentâts i prins dîs agns di ativitât culturâl dal “Vigne Museum”, intun incuintri public che al contarà un dai progjets artistics e architetonics permanents plui impuartants dal Friûl-Vignesie Julie. Il “Vigne Museum” al è un museu a cîl viert realizât dal innomenât architet Yona Friedman cul artist Jean-Baptiste Decavèle intal 2014 par celebrâ i 100 agns di Livio Felluga, il patriarcje furlan dal vin. La opare, su la ponte di une culine tra i vignâi storics di Rosacis, a pocje distance de Badie, e je deventade intai agns un catalizadôr di avigniments e spetacui, cun atenzion particolâr pe art e pe musiche contemporanie. (A.I.) – 10.04.2024