In biblioteche si fevele di… bibliotechis

Impuartant incuintri a Pasian di Prât par “Aspettando… la notte dei lettori” (Spietant… La gnot dai letôrs), la anteprime itinerante dal festival che al fâs tape in diviers comuns dongje di Udin. Inte suaze dai avigniments par celebrâ i 50 agns di fondazion de Biblioteche Pier Paolo Pasolini, in Sale Consiliâr e je previodude joibe ai 4, aes 6.30 dal dopomisdì, la presentazion dal libri “La biblioteca di tutti” di Romano Vecchiet. Une racuelte di saçs che e à al centri la riflession su la Biblioteche “Joppi” di Udin, viodude ancje e soredut intai siei aspiets storics e sociâi. (A.I.) – 02.05.2023