In bici a scuvierzi lûcs e peraulis di Pasolini

Il coletîf di art sociâl DMAV e la associazion culturâl START a presentin martars ai 16 “ParoleParoleParole”, un circuit di instalazions di art publiche tra Cjasarse, Codroip e Voleson, dedicât ai lûcs di Pier Paolo Pasolini in Friûl. Il progjet al propon un itinerari turistic e culturâl par tornâ a lâ, a pît o in biciclete, cul acompagnament de ambientazion sonore “PPP Suite”, sui lûcs significatîfs de esperience dal zovin Pasolini in Friûl. Lant daûr dai segns lassâts des ruedis de sô bici si scuvierzaran, in tiere e su lis façadis di cualchi edifici, scritis e instalazions luminosis che a riprodusin i nuclis centrâi de poetiche di Pasolini. (A.I.) – 15.05.2023