In esposizion lis fotos de Alte Val Tor

Si intitule “Aperture” (Viertiduris), e e je une esperience di art visive e relazionâl: une mostre fotografiche ideade intal mês di Avost, dilunc di une residence artistiche di une setemane, cuant che 6 zovinis artistis e zovins artiscj si son confrontâts cul teritori de Alte Val Tor e i siei abitants traviers un strument analogjic: une machine fotografiche di grant formât instalade suntune Apecar. Al tiermin de setemane la lôr conte e je deventade la mostre che si podarà visitâ in trê diferentis tapis traviers la regjon, in Novembar e in Dicembar. Si scomence di Udin, cu la scree joibe ai 7 aes 6 dopomisdì li dal Spazio35, dulà che e sarà vierte fint a sabide ai 9. La seconde tape e interessarà il Spazio Cluster Multimediale di Gurize dai 21 ai 23 di Novembar e la tierce la Stamparie Westerberg di Triest. (A.I.) – 06.11.2024