In viaç intal cûr de Russie di îr e di vuê

Sîs mil chilometris dilunc de strade mestre de storie russe a son cjapâts dentri intal libri reportage dal furlan Marzio G. Mian – za diretôr di ”Io donna” e colaboradôr di cetantis rivistis talianis e forestis – dal titul “Volga Blues”, un viaç intal cûr de Russie, che al sarà presentât joibe ai 14 aes 6 dopomisdì te Badie di Rosacis intal calendari de rassegne “I colloqui dell’Abbazia” curade e condote di Elda Felluga e Margherita Reguitti. Un viaç che al è lât indevant par cuatri setemanis, cence vistât, sfidant i controi paranoics dai servizis di sigurece de Russie, cjatant la int comune ma ancje personaçs di spic. Un percors a tapis sfuarçadis dilunc des spuindis dal flum dulà che al è nassût l’imperi zarist, si è afermât chel sovietic e si è consolidât il neu imperialisim di Putin. (A.I.) – 13.11.2024