Intun libri ducj i lavôrs de Danieli a pro de art e architeture furlane

Joibe ai 9 a Udin, in Sale Aiace aes 5.30 dal dopomisdì, e je previodude la presentazion di “Riconoscere il passato”, il libri di Giuseppe Bergamini su la opare che la Danieli di Buri e puarte indevant dai prins agns Otante: la poie e la promozion dal restaur di oparis di art e architeturis che a son une part impuartante dal patrimoni culturâl dal Friûl. Il libri al rive fin ae ultime imprese: la demolizion de Dormisch di Udin – sierade e abandonade di desenis di agns -, scomençade a Otubar e dulà che e sarà fate la gnove sede dal Its Malignani. Un intervent di 25 milions di euros, che al rive dopo il restaur de fontane firmade di Zuan di Udin in place S. Jacum, di diviersis parts dal cjistiel di Udin, la tor dal orloi, lis statuis di Florean e Venturin… (A.I.) – 08.02.2023