74
Julius Kugy, alpinist, musicist e scritôr, al è stât ogjet di cetancj studis e riflessions. Miercus ai 11 aes 6 dopomisdì, a Gurize tal Palaç Coronini, Gianna Putigna Fumo e presentarà une conference che si concentrarà sul om, sui siei valôrs borghês fin insot e sul so ideâl cosmopolite, palês in ogni so mot e in ogni sô peraule. Kugy al rapresente, prime di dut, il testemoni di un mont di fin Votcent, là che al viveve di borghês e di om di culture, ma cuntun orizont che al lave ben di là dai cuatri mûrs di cjase, stant che al partecipave in maniere ative ae vite sociâl dal so timp e al è stât un precursôr dal citadin european di frontiere. (A.I.) – 10.09.2024
