16
La Associazion udinese Amîs dai Museus e de Art e inmanee par martars ai 12 aes 5 dopomisdì, inte Sale cunvignis de Fondazion Friuli a Udin, une conference dal espert di architeture e fotograf Simon Di Luca, dedicade aes “lezions americanis” e in particolâr ae “architeture organiche” di Frank Lloyd Wright: l’esponent plui impuartant de architeture moderne americane. Lis sôs oparis, jentradis intal patrimoni de Unesco, a son stadis fatis intun stîl, fi dai prins agns dal ‘900, che al veve rot lis regulis classicistis e razionalistis dal passât a pro di une poetiche incentrade sul rapuart cul spazi, la nature e la relazion tra om e creât. (A.I.) – 11.11.2024
