La art inte nature dongje dal Lusinç

Al è dedicât aes arts inte nature dilunc dal cors dal Lusinç e al è un dai plui impuartants modei talians e europeans pe art ambientâl e i events culturâi sostignibii. Dai 17 ai 20 di Lui, la decime seste edizion dal festival “Aeson”, curade de associazion Ecopark, si davuelzarà tal parc dal Lusinç a Flumisel Vile Visintine, celebrant l’incuintri di culture e nature. Tal bosc a saran presentâts 29 spetacui e incuintris, dîs grandis oparis di “Land Art”, art naturâl, e cetant altri: dut in armonie cul ambient. Il program al previôt ancje events pai fruts, moments di discussion su argoments ecologjics e spetacui di musiche di artiscj internazionâi intune misture di globâl e locâl (par esempli: i Madela dal Cile, i Embryo de Gjermanie, Kapre de Slovachie…), dongje di produzions di chenti (Simone Piva, Nikel Kosmo, Invisibile duo, Francesco Scarel e Michele Libralato…). Lis grandis oparis de art, che a son za stadis sistemadis intune aree di 10 mil metris cuadrâts dilunc dal Lusinç, a son stadis selezionadis di 120 propuestis rivadis di dute la Europe: e di miercus ai 17 a saran ancje iluminadis, trasformant cussì il flum intune suaze di insium. (A.I.) – 17.07.2024