La biblioteche di Tisane e celebre 52 agns di ativitât

Dopli apontament, a Tisane e a S. Canzian dal Lusinç, pe sierade de cuinte edizion di “Riflettori sul Nord-Est”, la rassegne leterarie di confin che e anticipe la trentesime edizion dal Premi Leterari Internazionâl “Latisana per il Nord-Est”, che chest an si è inricjide di gnovis colaborazions sul teritori, ancje in altris comuns. In ocasion dai 52 agns de Biblioteche di Tisane, istituide ai 27 di Fevrâr dal 1971, martars ai 28, aes 6 di sere intal Centri Polifunzionâl, Romano Vecchiet – storic dirigjent dai museus e des bibliotechis di Udin – al contarà il so libri “La biblioteca di tutti”. L’incuintri cun interviste par cure di Antonella Agnoli si repliche miercus al 1 di Març, aes 6 di sere, inte biblioteche di Pieris. (A.I.) – 27.02.2023