La biblioteche storiche di Gurize e met in rêt i siei tesaurs

Si è sierât il lavôr di catalogazion intal Sisteme Bibliotecari Nazionâl di une part dai volums de Biblioteche storiche Coronini Cronberg di Gurize: un intervent realizât in graciis di un contribût de Regjon. La Biblioteche Coronini Cronberg, che e cjape dentri plui di 21.000 volums, si è costituide dome tacant dal secont dopovuere, assorbint tancj dai sfuarçs e des risorsis economichis dal cont Guglielmo Coronini Cronberg, che al voleve tornâ a fâ sù la “biele, antighe” biblioteche di famee, lade distrute vie pe Seconde vuere mondiâl. Dopo la muart dal cont e la istituzion de Fondazion Palaç Coronini Cronberg, la biblioteche e jere stade za schedade une prime volte, ma cence l’inseriment tal fonts dal Sisteme Bibliotecari Nazionâl, consultât ogni dì di milions di utents. Cui gnûfs intervents sostignûts de Regjon, a son stâts metûts dentri miârs di volums, ancje tesaurs antîcs: un patrimoni tant siôr e une risorse culturâl preziose pal teritori regjonâl. (A.I.) – 27.05.2024