La centrâl di Malnîs e da energjie ae culture

Inte suaze de Centrâl Idroeletriche di Malnîs, l’Istât 2023 si impie di une gnove rassegne che e cjape il titul de funzion stesse de centrâl: produsi energjie eletriche de aghe. “Energjie di Avost” e tache domenie ai 6 cuntune novitât, “Alba in concerto”: sul palc al viert de ex centrâl eletriche Pitter, la Nuova Orchestra Ferruccio Busoni di Triest direte di Massimo Belli, cun doi grancj conciertiscj furlans: il violinist Lucio Degani e il sunadôr di armoniche Gianni Fassetta. Martars ai 8, inte sale machinis de centrâl, si screarà “(In)visibile energia”, une mostre interative fondade sui concets di energjie e trasformazion, cul obietîf di fâju viodi ai visitadôrs in forme artistiche, doprant propit lis turbinis de centrâl par gjenerâ sun e lûs. (A.I.) – 03.08.2023