La cjase di Pasolini intal circuit des cjasis museu di personaçs famôs

Cjase Colussi di Cjasarse, sede dal Centri studi “Pasolini”, che dal an passât e je deventade un museu, e parteciparà sabide al Prin e domenie ai 2 di Avrîl aes Zornadis nazionâls des cjasis museu dai personaçs innomenâts talians, organizadis cul patrocini dal Ministeri de Culture di une rêt che e met adun plui di cent cjasis museu in 14 regjons. Il public al podarà scuvierzi e riscuvierzi lis cjasis dai grancj che a son nassûts o a àn vivût in Italie e valorizâ la memorie dal passât, traviers visitis vuidadis a gratis. Chês a cjase Colussi, che a contin la vicende biografiche e culturâl articolade dal Pasolini furlan, a son stadis organizadis in colaborazion cun Promoturismo Fvj. (A.I.) – 27.03.2023