La “Domus di Tito Macro” si vierç ai spetacui

Fint ai 25 di Mai, il progjet “Ri/Vivere in Domus” inmaneât de Fondazion Aquileia, cu la direzion e ideazion di Sabrina Zannier, al ufrìs une schirie di spetacui dedicâts ae citât romane di Aquilee. Cuatri viaçs interatîfs par provâ a tornâ a vivi la vite di ogni dì tes stanziis de plui grande citât romane tal Nord de Italie. I cuatri spetacui dentri de Domus di Tito Macro no son dome rievocazions de storie, ma a presentin cun creativitât une voglade al passât cuntun savôr contemporani. Une produzion simpri in vore, che e tache dal progjet des senografiis di Belinda De Vito, cui furniments fats de aziende Gervasoni, fint ai costums di sene di Matea Benedetti e ai veris prodots di un for di archeologjie sperimentâl. Ma ancje une selezion di fotos dai reperts cjatâts te Domus, che a saran proietâts vie pai spetacui. Sabide ai 8 e vinars ai 9 a son previodudis lis replichis dal prin spetacul “Ospits di Tito Macro”. De fin di Març e fint al mês di Mai, a saran inmaneâts altris cinc spetacui, simpri te “Domus”. Par jentrâ, sore nuie, bisugne notâsi scrivint a: maraveeprojects@gmail.com. (A.I.) – 06.03.2025