La ‘dople vite’ de stele russe de Tv taliane

Cu la trame di dôs storiis autobiografichis, Natasha Stefanenko e conte intal libri “Ritorno nella città senza nome” la anime di un Paîs grant, malcuiet e disorientât: la Urss dai agns Nonante, che e viveve la fin di ciertecis consolidadis e ancje la iruzion di gnovis libertâts. La atore e condutore de television taliane lu presente joibe ai 29 aes 6.30 sot sere a jentrade libare li dal PalaPineta intal Parc dal Mâr di Lignan, in dialic cu la gjornaliste Elisabetta Pozzetto, pal tierç apontament de rassegne “Incontri con l’autore e con il vino”, promovude de associazion Lignano nel Terzo Millennio di Giorgio Ardito (A.I.) – 28.06.2023