La Ere Glaciâl in mostre a Triest

Dopo il sucès straordenari de esposizion dal triceratopo Big John, la societât Zoic di Triest e inmanee un gnûf avigniment espositîf ae scuvierte dal Pleistocen, cognossût a ducj tant che la Ere Glaciâl. La mostre “Ice Age”, o sedi “I zigants de Ere Glaciâl a Triest”, in program dai 28 di Avost ai 9 di Setembar e preparade intai spazis de Regjon in place Unitât a Triest, inte Sale des Colonis, e vierzarà un cantin suntun timp sparît, ma leât in maniere di no crodi al nestri. Stele assolude de esposizion al sarà il Mamut, un scheletri origjinâl montât sù, alt 3 metris e lunc 5, che al podarà jessi amirât a 360 grâts dai visitadôrs. (A.I.) – 25.08.2023