La fieste dai letôrs… cence dî nuie

Ultime fin de setemane a Cividât pe rassegne “Incontri 2024”, dedicade ae identitât, un cicli di conferencis, dibatiments e presentazions su lis tematichis de solidarietât, de inclusion, de art e dal ambient, che al à animât la citât dai 5 di Otubar. Inmaneade de SOMSI, la Societât operarie di socors mutuâl e istruzion di Cividât e rivade ae decime cuinte edizion, la rassegne e presente vinars ai 18 un dialic su “Identitât e comunitât slovene in Friûl”, sabide ai 19 un incuintri cun Michele Guerra, scritôr e ativist di Codroip che al presentarà il so libri “Il mio nome è Rosa Parks”. Domenie ai 20, prime dal conciert finâl di Romano Todesco e Sebastiano Zorza, si siere tal Museu Archeologjic Nazionâl cul “Silent Reading Party”, un formât nassût intal 2023 a New York, che al viôt i partecipants cjatâsi par dedicâsi dome ae leture in condivision, cidins e cence distrazions esternis. (A.I.) – 17.10.2024