La gnove art feminine intal bunker di Zardin grant

I destins des risorsis femininis e di chês naturâls a son leâts a dopli fîl inte storie de modernitât. Dîs vôs dal panorame artistic contemporani internazionâl – artistis visivis e scritoris – si confrontin inte mostre “Wasted”, che si davuelç a Udin intal bunker di Zardin grant, par cure de Associazion artistiche culturâl IoDeposito. Al centri de esposizion e dal progjet, cierts dai temis cjalts de cuistion feminine dal dì di vuê, ipotizant antidots e gnovis clâfs di leture ai fenomens che a àn distint lis disparitâts di gjenar. Vie pe esposizion a son previodudis performance di art dal vîf: vinars aes 6 e in repliche sabide aes 5 dopomisdì, al sarà pussibil preseâ il lavôr di Zosia Zoltkowski e Marta Lodola. (A.I.) – 12.10.2023