56
E je stade screade intal spazi espositîf dal ex municipi di Cjasarse la grande mostre titulade “In dialogo con l’arte” (In dialic cu la art), inmaneade dal Comun cu la poie de Regjon Friûl-Vignesie Julie par celebrâ i 95 agns di Elio Ciol, un fra i mestris plui autorevui de fotografie, che a Cjasarse al è nassût e al è a stâ. Fint ai 30 di Jugn, ben 76 oparis di grant formât a ufrissin une imersion intun patrimoni artistic che al spazie fra diferentis categoriis di oparis: de sculture italiche antighe di crep aes statuis di Donatello, dai afrescs di Giotto a chei dal Pordenon e di Tiepolo, dai mosaics paleocristians di Aquilee a chei de Basiliche di S. Marc a Vignesie, fin aes lastris di Marc Chagall. (A.I.) – 08.05.2024
Foto di E. Ciol
