La mont che lis feminis (no) àn contât

Si davuelç pôcs dîs dopo la sierade de mostre dedicade a Julius Kugy a otante agns de muart, “Storiis de Mont tal Palaç Coronini”, e al è un dai apontaments plui impuartants previodûts inte schirie di conferencis. Miercus ai 8 a Gurize, aes 6 dopomisdì tal Palaç Coronini, Linda Cottino e Ingrid Runggaldier a contaran storiis di feminis in mont intal decim novesim e vincjesim secul inte conference titulade: “Invisibilis tra lis pleis des parêts”. Lis dôs plui grandis espertis di alpinisim feminin in Italie e di là des Alps, dutis i dôs scritoris, a contaran storiis di viazadoris e feminis dilunc dal arc alpin: veris pionieris dismenteadis, che dispès a son stadis citadis dome di scjampon intai tescj scrits di oms o, dome plui di resint, di altris feminis. (A.I.) – 07.01.2025