La mont, il gnûf sium dai citadins

Un gnûf apontament tal Teatri “Verdi” di Pordenon cun “R-Evolution Green”, la rassegne ideade e organizade intune cul CAI – Circul Alpin Talian, e curade di Mauro Varotto, che e clame a racuelte esperts, scritôrs, climatolics e storics par rifleti suntune gnove idee di mont. In cartelon miercus ai 26 aes 6 dopomisdì inte sale dal Ridot dal teatri un incuintri cu la ricercjadore e imprenditore agricule Agata Gridel, in dialic cul sociolic Andrea Membretti, dal titul “Migrazions verticâls: la mont tant che salvece?”. Daûr di un scandai resint, a saressin simpri plui i citadins disponibii a trasferîsi in mont par un timp plui o mancul lunc ae ricercje di un stîl di vite plui stratignût e sostignibil. (A.I.) – 25.03.2025