La politiche di vuê analizade a Roncjis di Monfalcon

L’avignî de Europe devant des sfidis gjeopolitichis e economichis dal dì di vuê, il stât di salût dal dirit internazionâl, i segrets dal sucès dal Centridiestre in Regjon, i 45 agns dal maçalizi di Ustica e i 110 agns dal gjenocidi armen. A saran chescj i temis al centri de cuarte edizion di “Appuntamento con la politica che unisce” (Apontament cu la politiche che e unìs), la rassegne che la associazion culturâl Leali delle Notizie e inmanee dai 28 ai 30 di Març. Sîs i incuintris in calendari a Roncjis di Monfalcon, ma ancje a Doberdò e a Foian Redipulie, cun relatôrs nazionâi e internazionâi, e ancje un dibatiment leât ae politiche locâl cui assessôrs regjonâi Mario Anzil e Riccardo Riccardi. (A.I.) – 27.03.2025