38
La APS Macheri e presente doi apontaments inte suaze de rassegne “#èsempre8marzo”, che si propon di contâ lis feminis traviers il fumet. Martars ai 25 li de Universitât de Tierce etât di Sacîl e il dì dopo inte Glesie parochiâl di Andreis e sarà ospite Alice Milani, une autore che vie pal timp si e’ specializade in narazions di storiis di feminis e di grandis figuris femininis. Intal prin apontament, e contarà “Marie Curie e chês altris”, ven a stâi “la graphic novel daûr di Alice Milani”. Intal secont, invezit, il so ultin lavôr: une graphic novel dedicade ae vite di pre Lorenzo Milani, il barban de autore, contant storiis di famee, personâls e ancje di se. (A.I.) – 24.03.2025
