La psicolighe de television sul palc cuintri la violence

La innomenade psicolighe Roberta Bruzzone, criminolighe investigative e muse famose de television, e je in zîr pe Italie, sui palcs, cul so spetacul-conference che al analize un teme plui che mai atuâl: chel de manipolazion afetive mortâl e de violence su lis feminis. Cun “Favole da incubo”, domenie ai 21 di Lui e sarà protagoniste tal Cjistiel di Udin. Il spetacul al vûl judâ a cjapâ cussience di chês vôs che a fevelin dentri di nô, che nus sburtin ancjemò a fâ distinzions di gjenar inte vite di ogni dì. Parcè che cjapâ cussience al è il prin pas necessari par scomençâ a scancarâ chescj schemis mentâi e a fâ in mût che crimins cetant oribii no cjatedin plui un teren di meti lidrîs, di cressi e riprodusisi. (A.I.) – 20.07.2024