La rassegne “Dialoghi” e torne fevelant di storie

A van indevant lis propuestis de associazion Culturaglobale, che daspò dal “Festival de citât ideâl” a Palme, e torne a tacâ i incuintris de rassegne “Dialoghi”: chest an a saran 38 avigniments in 9 comuns, cun 17 apontaments dome pes scuelis e trê tapis a Turiac che a varan tant che fîl condutôr la storie. Si scomence vinars ai 11 aes 6 dopomisdì inte Sale consiliâr “Nilde Iotti” cul storic e scritôr Angelo Floramo, acompagnât intal dialic dai students dal Pôl liceâl di Gurize, che al presentarà la sô “Storie sentimentâl curte dai Balcans”: une part di Europe complesse, distès al centri di dut. (A.I.) – 10.10.2024