La regjine furlane dal ‘zâl’ cul so gnûf libri a Cividât

Cividât e onore Ilaria Tuti, la gnove regjine dal zâl, anzit, dal thriller talian, daspò dal grant sucès otignût de produzion di Rai 1 “Fiori sopra l’inferno” ispirade al bestseller de scritore cul stes titul. Il so gnûf romanç tant spietât, “Madre d’ossa”, jessût par Longanesi, al vignarà presentât martars ai 13 aes 8.30 sot sere intal Munistîr di Santa Maria in Valle a Cividât. “Madre d’ossa” di fat al è in part ambientât inte citât ducâl, dulà che si môf il comissari Teresa Battaglia, protagoniste dai romançs de scritore furlane, che e sarà presentade di Angelo Floramo. (A.I.) – 12.06.2023