149
La 22e edizion dal MAT+S!, il progjet storic di musiche, art, teatri e sience curât de atore Luisa Vermiglio e inmaneât de Ert, si vierç joibe ai 2 li de Biblioteche comunâl di Monfalcon. Il progjet, che chest an al cjape dentri 134 arlevis e arlêfs de scuele primarie Duca d’Aosta, al conferme la sô impostazion: svicinâ i fruts, in mût creatîf e ludic, ai lengaçs de art, de musiche e dal teatri, esplorant i rapuarts pussibii cu la sience. In particolâr, un gnûf percors trienâl dedicât aes neurosiencis, dal titul “Sento, penso, ricordo”, si scree cun Marcello Turconi, sienziât e divulgadôr sientific che al introdusarà i fruts al funzionament dal cerviel. (A.I.) – 01.02.2023
