La storie di une femine furlane dal Rinassiment

Inte Sale Corgnali de Biblioteche “Joppi” di Udin, vinars ai 17 aes 6 dopomisdì si tignarà une conference su Maria Savorgnan, protagoniste (ma dome di vedue) di une storie intense e aventurose di amôr leterari (e no dome) cul leterât Pietro Bembo intai agns centrâi dal Rinassiment a Vignesie. Marie, nassude a Creme di gjenitôrs romagnûi, dopo vê maridât a Udin il comandant Giacomo Savorgnan, si jere apassionade dal furlan, ma amirant ancje il venezian che al imperave in chê epoche. (A.I.) – 16.05.2024