La Tor de bande di cui che le vîf

Il progjet “Altrememorie”, fat de associazion omonime in graciis de poie de Regjon Autonome, di Turismo Fvg e de Fondazion Friuli, al va indevant cul ultin incuintri public par presentâ la ultime residence artistiche di cheste edizion. L’apontament al è in program vinars ai 21 aes 6 di dopomisdì intal spazi “Le Serre” a Cjampfuarmit. “Su la Tor” al è il titul dal lavôr di Giovanni Chiarot e Matteo Carli, che si interessin di une ricercje a plui nivei sul bacin idrografic e “emozionâl” dal flum Tor. Un pont di viste in scolte di cui che il flum lu vîf parcè che al è a stâ dongje, fat traviers fotografiis, intervistis e no dome. (A.I.) – 20.03.2025