12
La figure di Marco Polo e la sô olme inte leterature di viaç a son al centri de cunvigne internazionâl “Oltre Marco Polo”, dedicât a formis e modei de scriture di viaç intai secui XIV-XV, che si fasarà ai 5 e ai 6 di Dicembar ae Universitât dal Friûl, inte Sale Gusmani di Palaç Antonini. Inte suaze des celebrazions pai 700 agns de muart di Marco Polo, la cunvigne e nas de volontât esplicite di cjalâ di là dal “Milione”, analizant i percors de leterature di viaç intai doi secui dopo de opare mestre. Il fin al sarà chel di valutâ la ereditât di Marco Polo, esplorant autôrs vignûts daspò di lui, epigons de sô esperience o pionîrs di gnovis tindincis. (A.I.) – 04.12.2024
