La vite familiâr e personâl dal poete Biagio Marin

Martars ai 8 aes 6 sot sere inte sale conferencis dal Palaç Coronini Cronberg a Gurize, inte suaze dal cicli di incuintris “Storiis gurizanis” promovût dal Archivi di Stât di Gurize e de Fondazion di Palaç Coronini Cronberg, si tignarà la conference dal titul “La poesie in archivi: Biagio Marin e i manuscrits cjatâts”. Cristina Benussi, professore di Storie de leterature contemporanie tal ateneu triestin, e presentarà un volum dedicât ai manuscrits di Biagio Marin: une grande opare ilustrade cu lis riproduzions di ducj i manuscrits che a vegnin di variis fonts archivistichis (Pavia, Triest, Grau), bogns di pandi al letôr une narazion dramatiche de vite dal grant poete gradesan, metint in lûs vicendis dolorosis, personâls e familiârs, in particolâr la relazion sentimentâl che Marin al à intratignût cuntune zovine mestre, par 26 agns ispiradore dal so cjant liric. (A.I.) – 07.04.2025