La vôs storiche di Telecapodistria e conte i agns Setante

Dopo l’avigniment di viertidure, che al à viodût ospit Alessando Cattunar, “Vôs a Est” al va indevant, simpri inte sale “Pierluigi di Piazza” dal parc di S. Svualt, a Udin, miercus ai 19 aes 6.30 di dopomisdì, cu la vôs di Sergio Tavčar. In dialic cun Mauro Daltin, il gjornalist al contarà la nassite di Telecapodistria, une television di confin che e à fat la storie dal gjornalisim. Il so libri “I pionieri” al torne indaûr tai agns ’70, cuant che Telecapodistria e scomence a mandâ, cun mieçs di fortune, i avigniments sportîfs plui grancj a nivel mondiâl par talian, rivant in dut il teritori dal Nord Italie. Tacant di cheste storie, che e rive fint ai agns ’90, si fevele ancje di un confin e di un Paîs un moment prime de sô disgregazion. (A.I.) – 18.03.2025