La Vuere grande contade dulà che e je sucedude

Al è un apontament par apassionâts e studiôs de Prime vuere mondiâl e ancje de storie dal teritori, ma viodude di altris ponts di viste a pet di chei tradizionâi. “Luci & Ombre sul Carso della Grande Guerra” al tache joibe ai 4 cun presentazions editoriâls prime de cene in colaborazion cu la societât agricule Gandin di S. Pieri dal Lusinç e, par sierâ, spetacui inte Doline dal 15m Bersalîrs. Si scomence cu la presentazion dal libri “Paradiso, l’ultimo bagliore” di Alessandro Pennazzato, e la conference “The way out, ri-costruzione e storytelling della Grande guerra”, cu la presince di Audrey Chaix dal museu di Meaux in France. (A.I.) – 03.07.2024

Foto di F. Bergamasco