39
Inte Glesie di Sante Marie dai Batûts a Cividât, vinars ai 28 aes 6 di dopomisdì, al sarà presentât di Marino Zabbia il volum “L’inventario Pier Silverio Leicht di Cividale”, publicât de Societât Filologjiche Furlane par cure di Luca Olivo. Il volum al propon l’inventari dal archivi dal senatôr Leicht (1874-1956), innomenât jurist, storic e bibliotecari, president de Filologjiche dal 1925 al 1945. Il so archivi, un tesaur di informazions cuntune documentazion che e va de prime metât dal decim novesim secul e fint al 1956, al è conservât inte Biblioteche civiche di Cividât e al è stât inventariât ad implen e regolât di Luca Olivo. (A.I.) – 27.03.2025
