200
La Bienâl di Vignesie e à invidât l’artist Giorgio Celiberti, pitôr e scultôr nassût a Udin intal 1929, che inte sô lungje cariere al à vinçût diviers premis, al à partecipât a mostris coletivis e monografichis inmaneadis di diviersis istituzions museâls. Intal 1948, cuant che al veve a pene 19 agns, al fo invidât pe prime volte ae Esposizion internazionâl di art di Vignesie dal 1948 cu la opare titulade “Ferrovia”, par tornâ dopo intal 1950, 1954, 1956 e intal 2011, in ocasion dal 150º aniversari de Unitât di Italie. Miercus ai 5, aes 3 di dopomisdì al sarà ae biblioteche ASAC de Bienâl di Vignesie par ricuardâ i ponts plui impuartants de sô cariere, partide propit in lagune. (A.I.) – 03.10.2022
