La valorizazion de documentazion storiche e je ancjemò al centri de atenzion de Societât Operarie Storiche di Pordenon, che miercus ai 15 aes 6 sore sere e presente un incuintri dal titul “Letaris dal Vaiont”, vuidât e curât dal president Mario Tomadini inte sede, il centri culturâl di palaç Gregoris. Intal an dal sessantesim aniversari de tragjedie de dighe, ai 9 di Otubar, la passion pe storie e cjate la vocazion pe divulgazion e la memorie cuntune conte che e ripassarà lis variis tapis di cheste tragjedie anunziade. Si tache dal 1929 cul progjet de S.A.D.E. pe costruzion de dighe inte Val dal Vaiont, fint ae croniche teribile dai avigniments di 60 agns indaûr, ancje cuntune piçule rapresentazion teatrâl. (A.I.) – 14.11.2023
Foto di Bepi Zanfron de colezion di Mario Tomadini
