Lezions di storie: il patrimoni culturâl fiscât de Isis

Tacant dal 2014, lis distruzions dal patrimoni culturâl di Irak e Sirie de bande de formazion teroriste islamiste de ISIS a àn mobilitât la comunitât internazionâl. Intun contest mondiâl simpri plui incandessent, il pericul che chestis azions a tornin a sucedi al è daûr il cjanton: cualis iniziativis concretis isal pussibil tacâ a fâ par protezi il patrimoni culturâl menaçât e cemût isal pussibil tornâ a tirâ sù ce che al è stât sdrumât? Propit a “L’Isis e la distruzion dal patrimoni culturâl inte antighe Mesopotamie” al è dedicât il secont incuintri dai “Apontaments cu la Storie”, il program promovût e curât de Associazion “Friuli Storia”: vinars ai 24 aes 6.30 sot sere inte Sale consiliâr di Reane dal Roiâl. Protagonist al sarà il storic e archeolic Daniele Morandi Bonacossi, professôr de Universitât dal Friûl, che e à puartât indevant varis sgjâfs in Sirie, Yemen, Oman e Irak. (A.I.) – 23.01.2025