L’impat de Vuere frede su lis zonis di confin al è durât ben di là de colade dal mûr di Berlin: in Friûl-Vignesie Julie, lis ‘cicatrîs’ de storie a son claris ancje ore presint e sparniçadis sul teritori. Si stime che sul teritori regjonâl a sedin plui di 1.300 struturis difensivis, fra chês fatis intai agns ‘40 dal Nûfcent e chês prontadis de Nato in prevision di une invasion pussibile di bande dal pat di Varsavie. Par valorizâ chest patrimoni storic al è nassût il progjet Frontiera Est, focalizât su lis struturis: dome cuatri a son stadis recuperadis fin cumò e valorizadis pal turisim. Chês altris, invezit, a son abandonadis dal dut e a puedin rapresentâ un pericul pe sigurece, ma ancje un potenziâl turistic grandonon. Di sabide ai 4 al sarà disponibil in rêt il sît frontieraest.it, plen di materiâl fotografic su lis struturis viertis. (A.I.) – 02.03.2023
Foto di L. Zoppolato
