Lis fotografiis di Ciol in dialic cui grancj artiscj

Inte sô cariere, inviade tai agns Cincuante, il furlan Elio Ciol al à documentât midiant la fotografie un numar grandonon di oparis di art: di chês plui antighis a chês là che si pues confrontâsi cui grancj nons creatîfs di une ete storiche o di un contest espressîf. La ex Sale consiliâr dal Comun di Cjasarse, progjetade dal architet Gino Valle, e da acet di sabide ai 20 di Avrîl a une mostre di plui o mancul 80 fotografiis di grandis misuris. Metudis sui mûrs e sul sofit, a ciraran di proponi ai visitadôrs la ocasion di un incuintri pardabon di dongje cun pituris e sculturis che dispès al è propit dificil meti dongje. “In dialogo con l’arte” (“In dialic cu la art”), ven a stâi “Elio Ciol e i grancj artiscj, di Giotto a Chagall” e sarà vierte fint ai 30 di Jugn. (A.I.) – 19.04.2024