36
La associazion culturâl Euritmica e la Universitât “delle Liberetà” di Udin a inmanein intal mês di Otubar, inte sale cunvignis di vie Napoli 4 a Udin, la rassegne “Autumn leaves”, fueis di Sierade: cuatri apontaments a jentrade gratuite dedicâts al jazz, aes sôs origjins e aes sôs contaminazions. Si tache sabide ai 5, aes 6 dopomisdì, cul critic musicâl Flavio Massarutto, plui voltis premiât a nivel talian, che al fevelarà des origjins dal jazz, dai cjants di lavôr fint a Louis Armstrong. La rassegne e va indevant sabide ai 12 cul Nino Rota Project, un omaç jazz al autôr di musichis di passe cuarante cines dai agns Cincuante ai Setante (A.I.) – 04.10.2024
