Lis poesiis di Zorutti letis e sunadis

Pietro Zorutti al tornarà cu lis sôs oparis leterariis inte sô cjase di nassite di Lonzan di Dolegne, sabide ai 16 aes 8.30 sot sere cun “O soi nassût a Lonzan” un percors musicâl traviers la opare poetiche no dome dal poete dal Friûl par antonomasie, ma ancje di Marko Kravos, Leonardo Zanier e Rainer Marie Rilke.  Il program al previôt la esecuzion di “Intervalli del tempo” di Alessio Domini e di musichis di Valter Sivilotti sui tescj di Zorutti. A interpretâ il spetacul a saran la Corâl Natisse di Aquilee direte di Luca Bonutti, cu la vôs che e conte di Fabiano Fantini. L’avigniment al jentre inte programazion des iniziativis in preparazion de Capitâl europeane de culture 2025. (A.I.) – 15.04.2024