Lis sûrs Pers a presentin il lôr libri ae Trienâl di Milan

Miercus ai 10, lis artistis furlanis Isabella e Tiziana Pers a presentaran te Trienâl di Milan il lôr libri “L’altro Rave” (jessût par Quodlibet), che al ripasse la storie de residence artistiche fondade des dôs sûrs inte campagne furlane, a Solescjan di Manzan. “Rave” al è un progjet speciâl là che a vivin animâi salvâts dal macel, e che al vûl imagjinâ in maniere divierse il rûl de art contemporanie viers dai animâi. Intai agns, al à viodût la partecipazion di cetancj artiscj di nivel internazionâl: Regina José Galindo, Igor Grubić, Liliana Moro, Ivan Moudov, Adrian Paci… Il libri al è completât cu lis imagjins des ativitâts fatis e chês des oparis realizadis dai artiscj in passe dîs agns di ativitât dal progjet. (A.I.) – 09.01.2024