Lis sûrs Pers in mostre a Rome

Lis artistis furlanis Isabella e Tiziana Pers a son stadis invidadis inte Galarie Nazionâl di Rome ae mostre – par cure di Claudio Libero Pisano – “La lunga estate calda”, che si scree joibe ai 30 di Novembar, cun vincjecuatri instalazions sonoris difondudis dentri dai spazis dal museu. Lis artistis a presentaran la lôr opare HOLY-DAY, fate in colaborazion cun RAVE- East Village Artist Residency e cul ‘dissegnadôr di suns’ Lorenzo Bregant. Il titul de mostre al è ispirât al cine che al à il stes non, jessût intal 1956, par visâsi di une stagjon che e à ispirât la art, la leterature, il cine e la musiche. (A.I.) – 29.11.2023