Lorenzo Vale pe prime volte in mostre a Cividât

Si scree sabide al prin di Març aes 6 di dopomisdì inte Glesie di Sante Marie dai Batûts, in vie Borc di Puint a Cividât, la mostre “Primavera, Ver Sacrum”, la prime personâl dal artist furlan Lorenzo Vale inte citât langobarde. Curade di Didier Zompicchiatti, la esposizion e viôt in esposizion lis ultimis oparis pitorichis adun cun chês grafichis realizadis dal artist: zardins, rosis, plantis e fueis piturâts cun pineladis precisis e savintis, che a evidenziin la maravee dal artist devant di ce che al è ator di lui. Inte vincjesime otave mostre personâl di Lorenzo Vale, invidât di pôc te Librarie “Bocca” di Milan, intal Spazi “Perini” di Piacenza e intes salis dal Consei Regjonâl dal F-Vj, dut al ruede tor de nature, che e jemple ad implen ogni spazi de tele. (A.I.) – 27.02.2025