Passât, presint e avignî dai drons inte esposizion vierte a Monfalcon fint ai 7 di Lui inte dople sede dal Municipi e dal Museu de Cantieristiche. La mostre “Macchine volanti 2” e conte la storie e la evoluzion de tecnologjie dai aeromobii pilotâts di lontan, impleâts sedi par ûs civîl che militâr. Ven a stâi, la storie de articolade evoluzion tecnologjiche dai drons o APR, aeromobii a pilotaç lontan, tacant des origjins fint al di’ di vuê, ripassant lis diviersis fasis di disvilup e di ûs, a nivel talian e internazionâl. Il progjet al puarte indevant in maniere ideâl la mostre su lis machinis che a svolin “Da Leonardo alle Frecce Tricolori” dal 2019 par esplorâ e contâ ducj i aspiets storics, culturâi, umans e tecnologjics leâts ae nassite e al disvilup dai mieçs pilotâts di lontan. (A.I.) – 08.06.2024
Machinis che a svolin a Monfalcon
59