Maratone di leture in regjon ai 28 di Otubar

Dal 2014, inte seconde metât di Otubar, il progjet regjonâl LeggiAMO 0-18 al fâs une maratone di leture che e cjape dentri dute la regjon, in ocasion de Zornade regjonâl pe leture. “Un libro lungo un giorno” e je une zornade cun centenârs di events e cunvignis publics e privâts, di matine a sere, in ogni cjanton de regjon. Ducj a puedin aderî ae iniziative sul sît leggiamofvg.it, discjariant il bon “Leggimi una storia”, deventant promotôrs e autôrs di une leture. Vinars ai 28, scuelis, bibliotechis, associazions, circui ma ancje grups di amîs, fameis, esercizis comerciâi, citadins e professioniscj si passaran il testemoni des leturis a alte vôs in ambit familiâr, scolastic e sociâl. (A.I.) – 20.10.2022